ياعصفور …
_ خير ياغريب
أنا مش غريب … انا من هنا من نفس البلد … بس اتغربت سنين .
_ وراجع ليه … وبتسأل علي ايه
بسأل عن الناس والبيوت … والاماكن والجدود … كان هنا فيه بياعين وعربيات … وقهوة كنت بقعد فيها من سنين .
_ ناس مين وقهوة مين ..ده انت شكلك ليك سنين وسنين … ده الناس تركت البلد .. واللي تعب من غلب السنين … واللي هاجر يدور علي لقمة عيش … واللي تاه من السلطان والجاه .. واللي مات .
طيب وانت ياعصفور قاعد ليه .
_ جناحي مكسور وملقتش اللي يداوي اللي انكسر … قلت ادفن هنا مع بقيت العصافير
أصيل ياعصفور … طيب سلام
_ علي فين .
حأدور علي بلد … وأربي الولد .. وأحكي ذكري السنين .
_ خلي بالك وانت ماشي خف المشية تحت رجليك أجدادي وأهلي مدفونين .
ورجعت بعد السنين .. أسال علي العصفور
جاوبتني الحيطان .. ده مات من زمان .
وتحت رجليك إدفن مع الباقيين .
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com