شفت الواد سلامه العطار
واد فهلوي واعر قوي
عيون شرار مفيش هزار
والاسم سلامه العطار
تلقاني ف الحق استميت
انا اصلي بالحق اكتفيت
أنا طول عمري م ادور
ع الظلومه وع الفتن
ولا حتي ادور ع الحقوق
من غير م ادفع التمن
عمري انا واخده هات وخد
طول عمري دوغري وكلي جد
ولا فيش مابيني وبينكوا
حدلا فيه رياء ولا مصلحه
ولا فيه نفاق ولا دهلسه
ولا ظهور ولا مريسه
قلبي حديد ناشف شديد
والغدر اشمه من بعيد
ف الشده تلاقيني اسد
ف الهم واد صابر جلد
من اصلي واد عاقل قوي
مش بس واعر.. فهلوي
لا بتقمص ولا بتلوي
قلبي يساع كل البشر
عندي اللي غاب زي ال حضر
غيبه صحابي اردها
لو نميمه اتسربت بكل قوه
اسدها لو ايد غريقه اشدها
احب كل الناس قوي
اشوف حزين انا باتشوي
روحي ترهرف م الحنان
اشوف غلط..جاني جنان
الكل له عندي الامان
مدام م داسشي لي طرف
ولاخاض ف عرضي اوغَرف
كله يهون الا الشرف
صاحب صُحابي باعترف
صاحبي حبيبي ومهجتي
عمري م يوم شخطت فيه
ولا عمري كلمته بقرف
مجمل حياتي كلها
نفسي دي محدوده جدا
متتجاوزشي حدها
بالذمه مش راجل جدع
مفيشي زيف ولا فيه خدع
طيب قوي واد فهلوي
واسمي سلامه العطار
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com