بحبها ومقدرتش اقول
اني مغرم بحبها
مقدرتش انسى شكلها
ولاحتي جمال شعرها
مديت إيدي لمستها
دق قلبي بحبها
دق قلبي برمش العين
واحتار دماغي في رسمها
القمر تاه في حُسنها
دا جمالها سحر ملكها
حطيت عينيا في العينين
دوبتني برمشها..
كل الناس دايبين في غرامها
وهي قافله قلبها.
كل الناس حسدوني عليها
من جمالها وحُسنها
بتحبني وانا عامل نفسي
مش واخد بالي مِنَّها
وجه عريس وخطفها مِني
وخد حياتي كلها
وكنت معزوم في الخطوبة
مش قادر ابص في وشها
وسمعت صاحبتها وهما
يقولوا اهوه جه برجله باركلها
مش عارفين اللي جوه
منه انه اتمنى يكون لها
بس اللي يحب واحدة
لازم يفرحلها
نفسي حد يوصلها مني
اني مُغرم بحُبها
نفسي كمان اقولها قلبي
ماشافش بَعْدها
بس الظروف كانت اقوى
مني ربي يسعد قلبها