ثورة يوليو دى تمام …
دى كانت دفعه للأمام …
مقضتش بس ع الإستعمار …
دى بينت مين الهمام …
ف وقت كان لابد فيه …
من إتفاق على كل غازى …
وكل عادى من الأعادى.
وكل مستعمر وغادى …
على أرضى على عرضى …
على مستقبل بلادى …
وجاه اليوم الفاصل … اللى كسر المفاصل …
وجاب معاه وياه لينا …
إصلاح زراعى وإقتصادى …
ومجانية فى تعليم ولادى …
وتطور فى شتى بلادى .
ثورة يوليو دى تمام …
دى كانت دفعه للأمام …
مقضتش بس ع الإستعمار …
دى بينت مين الهمام …
وليد محمد أحمد محجوب