خبينى ف قلبك خبينى
من الريح الشاردة خبينى
وخدينى لبعيد ودارينى
يا كل عمرى وسنينى
من موج البحر احمينى
وبرمش عينيكى غطينى
دى نظرة منك تحيينى
ومن الحاسدين ترقينى
فى الحلم حبيبتى تجينى
وبطيفك ابدا ما فا رقتينى
وخيالك ف الحلم يكفينى
وبشوق ولهفة تضمينى
وعسل شفايفك يروينى
ارجوك كفاية ارحمينى
ويرجع الشوق يكوينى
لويوم ما شفتك عينى
واه لما بتدلعى وتميلى
الدنيا بترقص و تغنيلى
وصوتك الحلو يشجينى
علشان حبك هو دليلى
ومهما اتوه بترجعينى
وشمعة حبك تهدينى
وبكلامك الدافى تهزينى
وكانك ف الجنة ورمتينى
او من ميه زمزم سقتينى
بسهم عينيكى رشقتينى
وعليكى مشية خيلتينى
وف لفة عودك دوبتينى
وضحكة وشك تسبينى
ارجوك ف قلبك خبينى
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com