السيد رئيس الجمهورية
السيد رئيس مجلس النواب
السيد رئيس مجلس الوزراء
السادة النواب والوزراء وكل شخص مسئول تشريعا أو تنفيذيا أو رقابيا
تحية احترام وإجلال وامتنان مني لكم جميعا
أنا المواطن مصري فلان الفلاني اعلم جيدا أن بدنا الجميلة تمر بمرحلة غاية في الخطورة تتكاتف فيها يد الفساد والإرهاب لهدمها وانا معكم أتحمل كافة هذه التبعات.
السادة الأفاضل كل في موقعة أنا معكم أشعر بكم وبكم التضحيات التي يقوم بها رجال عاهدوا الله علي حماية الوطن يدفعون أرواحهم فداء تراب هذا الوطن الذي يحي فينا ونحيا فيه.
السادة الكرام أرجوكم ساعدوني أن أشارككم الصعاب وان اعمل على مساعدة مستقبل الوطن عن طريق تربيتي لابني ليكون عضو نافع فاعل في الوطن يحمل على كتفيه حلم استكمال بناء الوطن كما بني أجداده ودفعوا دمائهم لتحريره
أنا أب لثلاث أطفال أتقاضي راتب 2000 جنيها مصريا وهم نعمه من الله فغيرنا لا يحصل عليهم بإجمالي 24 ألف جنية في السنة.
ادفع منهم بدء من الغد 120 ثمن لتذكرة المترو هذا بخلاف 120 جنية تذكرة الاتوبيس اللي بقت بسعر2 جنية ،وتقريبا 50 جنيها كهرباء وزيهم للغاز وما يقرب منهم للمياه وادفع 250 إيجار الشقة بإجمالي تقريبا 640 جنية شهريا.
وادفع شهريا 100 جنيها مصروف انتقال ابني الكبير فقط من والي المدرسة وتقريبا 100 جنية أخري تكلفة عمل سندوتشات له، هذا بخلاف 30 جنيها مصروف يده بإجمالي 230 جنيها.
اشتري يوميا ب 75 قرش عيش حيث أن بطاقتي التموينية لثلاث أفراد هو أنا وأمي وابني الكبير فقط بإجمالي 22.5 جنيها هذا بخلاف 60 لشراء طبق فول صباحي و30 جنية طعمية بإجمالي ده غير نص كيلوا لبن للعيال يوميا (يادوب كل عيل نص كوباية لبن ) يعني في الشهر حوالي 150 جنيها بإجمالي تقريبي 260 جنيها شهريا تقريبا.
هذا بخلاف شراء 3 زجاجات زيت شهري بسعر 60 جنية و3 كيلوا سكر بسعر 30 جنية و5 كيلوا رز بسعر 40 جنية و2 كيلوا عدس بسعر 40 جنية وعلبة سمنه صناعي 2 كيلوا بسعرة 50 جنية و10 كيلوا مكرونة بسعر 70 جنية وبجيب 2 كيلو درة فشار نتعشي بيه علشان نملي المعدة بسعر 30 جنية ده غير 4 كراتين بيض للأطفال علشان مفيش لحمة أو فراخ بسعر 120 جنية طبعا دة غير بقي المصاريف اليومية طماطم مثلا او بتنجان رومي ممكن او مثلا شوية سبانخ يعني تدخلك في الشهر في حوالي 250 جنية خضروات وحجات سوف بإجمالي تقريبي 690 جنيها في المتوسط.
طبعا دة غير اني بدفع 100 جنيه درس لابني و 100 جنية للنادي علشان يبقي بطل رياضي يمكن يرفع اسم مصر في يوم من الأيام يعني متوسط 200 جنية في الشهر.
طيب عاوزين نقول اننا كأسرة مكونه من 5 أفراد محتاجين نقول كل شهر 50 ما بين علاج أو كشف في مستوصف خيري يعني تقريبا في الشهر 250 جنية لاني مش متأمن علي وماشية بالبركة في الشغل.
نقول كمان اننا محتاجين علي الأقل كل سنة بتاع 1200 جنية نجيب كسوه للعيال في العيد الصغير حتي يعني 100 جنية كل شهر تقريبا.
طيب معلش تعالوا علي نفسكم وفكروا كدة ان الأطفال محتاجة تاكل بروتين حيواني علي الأقل مرة في الأسبوع يعني لو قولنا محتاجين 3 فراخ و كيلوا لحمة في الشهر يبقي سعرهم حوالي 250 جنية.
خد عندك بقي ان مصاريف المدرسة التجريبية الحكومية في السنة بالكتب 2400 جنية للطفل الكبير بمعدل 200 جنية في الشهر طبعا دة غير 200 جنية للحضانة علشان الطلفين الأصغر
يعني بحسبة بسيطة انا محتاج شهريا 2800 جنية شهريا يعني 33.600 الف في السنة بقرق 9600 جنية عن قبضي.
السادة الافاضل والسيدات الفضليات في كافة المؤسسات التشريعية والتنفيذية أرجوكم أوجدوا لي حل حتي استطيع أن أعيش وأسرتي بكرامة كما قال الرئيس
ساعدوني أن اربي أبنائي علي حب الوطن حتي يصبحوا نافعين فاعلين له أرجوكم أتوسل لكم ساعدوني أن ابني جيل يستطيع تحمل مسئوليه الوطن.