شوبش واللى ما يشترى يتفرج .ازمه وفضيحة وفرش ملايات وتهديد بسحب سفير وقطع علاقات وضياع استمارات مع الطليان بسبب موت ريجينى اللى بقى اشهر من روسى ومالدينى
وحابس لابس على قلوبنا كابس . ريجينى ده جالنا منين . وطب علينا زى القضاء المستعجل. ده احنا كنا كافيين خيرنا شرنا. وهو الدير ناقص رهبان ولا المشرحة كانت ناقصه قتلى
المرة دى مش هينفع معاها مجنون وتخاريف ولا قصة وتاليف ولا انا هونج كونج بتاعة ابو الليف
اللى يحضر العفريت يصرفه والباب المفتوح تمللى مفضوح والبطيخه القرعه لبها كتير واللى يسلم دقنه للناس ينتفوها وتحلفلى اصدقك اشوف موته ريجينى استعجب
يا ترى مين اللى هيحاسب على المشاريب .ومين الل هيدفع التمن المره دى. ومين اللى هندارى عليه ونقول معلش اللى ما يعرفك يجهلك وحكم التراضى احسن من حكم القاضى
ريجينى الطليانى مش خالد سعيد ده وراه عزوة وايد من حديد
افتح الكشكول واكتب حكاية جديدة ل25 يناير تانية جايه ومش بعيد
