طال غيابك ياحبيبتي وانا
والأمل واقفين علي بابك
وحشتيني وواحشني. همسك
وشوقك وكلامك وعتابك
خلاص دوبت من الحنين
إليك.وعمر قلبي ماسابك
فاكرك ياناسيني.كل يوم اصبح
علي صورتك واقرا كتابك
طال غيابك ياعمرى وحياتي
هنت عليك وهانت عليك
دمعتي وسيبتني للمجهول
مكنتش اعرف ولاكنت اتخيل
بفراقك يا قلبي عذابي يطول
وردي كان بيك مفتح.. معطر
ودلوقتي خلاص للذبول
عليك بكيت انكويت حسيت
بالعذاب. والدمع سيول
طال غيابك ياعمرى وحياتي
كنت عايش فيك وليك وبيك
الدنيا كانت ليه. بتلالي
كنت بحسك من غير ماتتكلم.
وكنت انت بتعشق وصالي
كل ذره في جسمي عايش
فيها وكنت روحي وخيالي
كنت بتديني قلبك وشوقك
وحبك وحلو الغرام والليالي
طال غيابك ياحبيبتي انتي
كل مكان كان فيه ذكري
بزوره. وعليك.ديما يسألني
يجاوب قلب. بيبكي. ويقول
الحبيب. بغيابك قتلني
ولولا الملامه لجيبك غصب
عنك.لكن عزة نفسي بتمنعني
الله يسامحك.ياللي مانسيت
ملامحك وجرحك بيوجعني
بسي افتكر اني حبيتك.
واشتريتك.وقلبك نسي وخدعني
كان لك معايا اجمل حكايه
لكن زماني معاك. باعني
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com