على باب مدينتك أنا
فضلت رايح وراجع
بالفرحة ساعات
وساعات بالدمع والمواجع
أقرّب وابعد وادور
وافكر كتير في الحكاية
متغرّبة عينيه ف عينيكي
متقرّبة وباعدة إيديكي
متحيّرين من كام سنة
وانتي وانا ضجك ومواجع
على باب مدينتك أنا
فضلت رايح وراجع
هل ممكن ادخل واحضنك
ولاّ حخاف من كلمتك
ممكن تكونيلي زمن
وامشي معاكي رحلتك
ماعرفش ليه السؤال
جزتبه شىء م المحال
متغرّب معاكي ف هواكي
والحلم مغيّم وضايع
على باب مدينتك أنا
لسه رايح وراجع
***
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com