غنى المغني غنوته
سرحت عيونك هناك
لحظة ما بحرك غنى ليكي
إنفتح قلبي شبّاك
طل عصفور ضرير
سأل إيه المصير
وانكفى تحت الغيام
…
غنى المغني غنوته
عاشق شفايفك ألف آه
مهما اتقتلتي سكوت
يفضل مرارك حيّ بصباه
فارس حزين بيعترف
إنه انسرق عشقه وهواه
يا هلترا انتهينا
ولاّ الزمن مش زمن الغرام
…
غنى المعني غنوته
أنا شوفت المشربيات معابد
قلبي بيسبح بخروفك
وجوّه محراب حبك ساجد
ما بتنتهيش صلاة العشق
ما بتنتهيش مناسك الصدق
وانا باعشقك ياحبيبتي
من ألف ألف عام
…
باتصورك ما بتتصوريش
وخلف المشربية تختفي
تايهة ملامحك في الدهشة
وحلم رحوعك بيتنفي
طول عمري وانا باعشقك
ولو كدبتي باصدّقك
ومؤمن بيكي ولو أوهام
غنى المغني غنوته
وشاور بإيده وقال سلام
ختام