كتبت ناريمان حسن
ظاهرة انتشرت في مدارس مصر مشكله تخص طفل يتيم الأب وأمه سيده بسيطه جدا وعلى قد حالها بتشتغل عشان تربيه هو واخوه الأكبر
الموضوع هو أن مديرة مدرسه ابتدائيه تجردت من الرحمه والانسانيه
فارس عبد العليم طفل عنده 9 سنيين مدرسة السادات ابتدائيه
في منطقة رمل أول بالاسكندريه قبل كده من سنه اتعرض لضرب في المدرسه وكان الضرب فى البطن وعلى أثرها عمل عملية الزايده لأنها انفجرت واتطرمخ على الموضوع ومعرفتش الأم توصل لحاجه من يومين فارس وهو خارج من المدرسه كان بيلعب مع زميله حدفه بزجاجة مياه معدنيه فارغه الولد دخل المدرسه واشتكي للمديره اللي هي صاحبة مامته جدا المديره ندهت على ولاد يعرفوا فارس وطلبت منهم يروحوا يجيبوه وفعلا طلعوا ورا منه وقالوا المديره عايزاك الولد رجع تاني وراح لها المكتب قفلت عليه الباب وضربته بخرزانه وبايديها على قفاه وودنه وبالخرزانه على كتفه وكانت لبسه خاتم بقت تضربه بوكسات بالخاتم فضلت تضرب فيه ربع ساعه الولد اغمي عليه والدم نزل من ودنه كانت الأم عرفت من زمايل ابنها ان فارس عند المديره عشان عمل مشكله ّراحت الأم لاقت الولد مغمي عليه وبيفوقوا فيه وبيشربوه عصير قالوا ليها انه تعبان شويه
راحت بيه مستشفى الطلبه والمستشفى طلبت القسم لعمل محضر
الولد مصاب بثقب في طبلة الاذن وكسر في الكتف واشتباه ارتجاج بالمخ
ياريت تساعدوني في نشر قصة فارس الولد اليتيم الأب عشان حد يتحرك من التربيه والتعليم ومن الدوله والمديره تاخد عقابها عشان الموضوع ميترمخش عليه في الاداره التعليميه وفي النيابه وخصوصا ان الناس غلابه جدا والأم ست غلبانه والولد يتيم