بقلم : نسرين رمزى
البرلمان الهمام وافق على مشروع قانون رقم 16 لسنه 2018 بخصوص انشاء صندوق تكريم شهداء وضحايا العمليات الارهابية بدون الخوض في تفاصيله لفتة جميلة وتقدير محترم للناس اللي ضحت بحياتها عشان البلد دي
انما اللي يجنن ان القانون ساري لشهداء ما بعد ١٨ يناير ٢٠١٤ او من السنة اللي الرئيس السيسي مسك البلد فيها
طب واللي من قبل كده من بداية الارهاب دول مش شهداء؟ بلاش ، اللي اصلاً تم اغتيالهم واستشهدوا وقت حكم جماعة الاخوان دول ايه موقفهم؟ خلاص مبقوش شهداء بالنسباكوا ولا ايه؟!
القانون بيتم تمريرة فى صمت اعلامى واهالى الشهداء جرحهم اكبر من اى تعويض لكن التقدير لما يختلف من شهيد لشهيد تزود جرحهم ..اهالى الشهداء لا ياملون الا بالله ان يصل صوتهم للقيادة السياسية هل شهداء يناير واحداث الاتحاديه ورابعة وبدايات احداث سيناء وتفجيرات كماىن رفح وشهداء كرداسه كل دول خارج قانون رعايه حقوق اهالى الشهداء باى حق واى عدل
زوجات وامهات واطفال الشهداء لا يأملون الا عطف رئيس الجمهورية واثقين فى دعمه الكامل لهم وانه لن يمرر قانون ينصف شهيد ويتجاهل اخر
