بعيدة قمرتنا يا حبيبتي
وبعيدة ملامح النجوم
تفاصيل سمانا مبهمة
ووشوشنا لون الغيوم
يا هلترا ابتدا الوداع
يا هلترا ابتدا الضياع
ولاّ فيه شىء بينّا ضاع
ولاّ الطريق مش طريقنا
ولاّ الزمان مش الزمان
لو في يوم ضعت منك
إذكريني قصة جميلة
وارسميني جوّه ننّك
صورة وتكون مستحيلة
في الحقيقة والأحلام
في السكوت وفي الكلام
في الليالي والغيام
في كل اللي بينّل كان وكان
يمكن تكون دي المرّة الأخيرة
يا حبيبتي وإيدينا تفترق
يمكن تكون اللحظة الأخيرة
تحت القناديل في المفترق
فيه حاجة بينّا بتنكسر
فيه نغمة تايهة عالوتر
فيه حرف في عيونّا اتسطر
وحتنتهي القصة قبل الآوان
ملامحنا مش هيّا ملامحنا
تفاصيلنا مش نفس التفاصيل
بينا المسافات الطويلة
بينّا شىء م المستحيل
حتى الطريق مطر وريح
وجريح بيحضن جريح
والدموع بتستبيح
نصبح مطر يملا المكان
زمانّا ما كانش لينا
طريقنا ما كانش لينا
ما كانش لينا إلا الهموم
بعيدة قمرتنا ياحبيبتي
وبعيدة ملامم النجوم
تفاصيل سمانا مبهمة
ووشوشنا لون الغيوم
***
