ليالى العمر معدوده تعالى
نلحقها قبل م تودعنا
دا الوقت بيعدى ف ثانيه
و العمر بيسرقنا
و إحنا مشغولين بالدنيا
و ناسيين الجنه
اللى فرشناها
بالورد و الحنه
ليالى العمر ياعمرى
تعالى نقطف الورد
قبل م يدبل و يصفر
تعالى نصحى الأمل
قبل الليل م يشطر
تعالى نحقق حلمنا
و إحنا ف بداية الطريق
تعالى نروى عطش القلوب
بحبنا البريئ
ليالى العمر ياقلبي
تعالى م نضيعش الوقت
و نسابق الزمن
و نلحق قطر العمر
قبل م يفوتنا بزمن
م فضلش م العمر
قد اللى راح
خلينا نفرح لو ليله
و نودع الجراح
ليالى العمرياحياتى
ليالى العمر اللى باقيه
لسى ف إيدينا
ليه نخسرها بعد
م راحت كل ليالينا
و اللى بيروح
م بيرجعش تانى
عمرنا م نعوض
زمانك و زمانى
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com