انتقد مرتضى منصور رئيس الزمالك الأرجنتينى هيكتور كوبر المدير الفنى للمنتخب الوطنى، قائلا، “كوبر أفشل مدير فنى مسك مصر فى التاريخ وحاقد مخدش لاعيبه مهمة من الأهلى والزمالك بسبب العند.. وهو متسمك بالننى مش عارف ليه يمكن عشان شعره”.
قال مرتضى، خلال المؤتمر الصحفى “كوبر مش بيلاعب كهربا لكن اللاعب طلع أصيع منه واتفق مع عبد الله السعيد على الهجمة بتاعة الجون.. كوبر بعد الماتش قال مين اللى جاب الجون لأنه مبيشوفش المهم أن نن عينه ميطلعش وخلاص”.
وانتقد مرتضى تغيير طارق حامد، “مصر كلها حزينة بسبب مستوى المنتخب الوطنى.. طارق حامد اللى كان ماسك وسط الملعب يطلع وتخلى نن عينك!”.
كان مرتضى قد وجه انتقادات عنيفة أيضا لكوبر بسبب إصابة أحمد الشناوى حارس مرمى المنتخب الوطنى والزمالك، مؤكدا أنه على استعداد لسفره إلى ألمانيا للعلاج.