…. ياعجوزه ……. بقلم : السيد الدالى

ياعجوزه انتي فوق الراس والكل بيحبك
ولو بأيدي اهديكي صحتي وعمري وحياتي
مالك ساكته ليه وسرحانه ووخدالك جنب
ولا العضمه كبرت وراحت عليكي يامولاتي
..
اسكت يا واد وبطل رغي كتير هوستني
دانا بس بفكر اقوم أطل على طيراتي
ما انتا عارفني ما بحبش حد يسندني
وبحب عمل ايدي حتى غسيل خلاجاتي
..
عارفك ياحجه واتقه ولسه الرمق فيكي
بس قلت أناغشك ياست الكل بكلماتي
اديني جبتلك الحنه وعجنهالك بيدي
مش انتي قولتي عايزه أحني شعراتي
…
ياواد دانا كنت بضحك معاك وبتسلى
ماانا وشي كرمش ونسيت مراياتي
فكرتني الله يجزيك بأيام شبابي
قرب تعالى ناولني طرحتي وعكازاتي
…
قامت وسابتني ودخلت جوه أوضتها
ونادت عليا تعالى يا واد يانجاتي
رحت اهرول وأجري عليها ايه فيه
قالتلي افتح ايدك دول دهباتي
…
دول تديهم لعروستك هديه مني
واوعه تنسى تدعيلي بعد مماتي
وبعد ما تخلف ويكبرو عيالك بووسهم
وقلهم دي بوسة جدتكم أم نجاتي
…
قولت ايه لازمة الكلام ده يامااااي
قالت ناولني مصلايتي لاتفوتني صلاتي
معدش وقت خليني الحق ادعيلكم
وأدعي ربنا يرحمني ويعجل سكراتي
…
وفعلا بدأت تصلي وأنا جنبها ببكي
ومش قادر أخبي صوت حزني واهاتي
وجات في الركعه الأخيره طولت خالص
وماتت ورحلت عني وسبتني بدمعاتي
…
كلمات / الشاعر والكاتب السيد محمد الدالي