كان ياما كان كان في إنسان
كان حابب حب بإخلاص
لكن قلبه اترمي وانداس
كان ياما كان كان ياما كان
كان ياما كان كان في إنسان
حب بقلبه وعمره ما خان
باع الدنيا وكان شاريهم
علي أمل إنه يلاقيهم
لكن آدينا أهو بنقول كان
كان ياما كان
قصة طويلة قوي وحكاية
ووعود كدابة مالهاش نهاية
عاش الفيلم ودوره موهوم
سايب روحه في كل يوم
ومايعرفش إنه بيتخان
كان ياما كان كان في إنسان
كانوا فارشين ليه الارض ورود
وكلامهم جميل مليان وعود
وهو يا عيني اداهم أمان
فجأة في لحظة قسيوا عليه
خانوا العشرة وباعوا الحب
ولما استغرب وسألهم ليه
رموا عليه اللوم والذنب
كان ياما كان
بقي مستغرب ليل ونهار
مش لاقي ليهم أي اعزار
ده كان إنسان بيصون
طب إيه خلا الحب يهون
واهو خلوه يعيش محتار
كان ياما كان
شوفوا الصدمة عملت إيه
شاف الناس كلها واحده
ساب الدنيا اختار الوحده
وبقي مش عارف عايش ليه
جه في يوم راح يصلي
قاله يا رب إنت ياللي
ياللي عالم بكل أحوالي
شوفت يا رب اللي جرالي
أنا حبيتهم وكنت باقي
وعمري ما اساءت ليهم
لكن الجرح كان جزائي
مع إني كنت شاريهم
بعد صلاته حس براحه
وان روحه بقت مرتاحه
قعد مع نفسه عاد حساباته
رجع فكر تاني في حياته
ونسي كل اللي حصل زمان
كان ياما كان
كلمات:الشاعر مينا وجيه
جميع الحقوق محفوظة
إصدار: ديسمبر2016