قصيدة ( لا تندهيني ) شعر : عادل عبد الرازق

لا .. لا ..
لا تندهيني
لا .. لا ..
لا ترجًعيني
ما تفتحيش باب الدموع
ما ترسميش لون الرجوع
ما ترجعيش كل اللي ضاع
ولا حتى للحلم ترجًعيني
لا .. لا ..
لا تندهيني
لا .. لا ..
لا ترجًعيني
ارجوكي إوعي .. ما تكمليش
خبي الحروف ما تنطقيش
إحنا انتهينا وخلاص
وانتي لسه ما فهمتيش
كنا وكان وانتهينا
ما تقدريش تاني تغيًريني
لا .. لا ..
لا تندهيني
لا .. لا ..
لا ترجًعيني
مهما صرختي بألف اعتذار
مهما بكيتي بحرقة ونار
مهما فضلتي في انتظار
مش راح ارجع صدقيني
لا .. لا ..
لا تندهيني
لا .. لا ..
لا ترجًعيني
إنتي وانا خادنا البراح
كل الطريق أصبح رياح
وكل اللي باقي منا جراح
ولا حداويكي ولا حتداويني
لا .. لا ..
لا تندهيني
لا .. لا ..
لا ترجًعيني
رفضتيني وجرحتيني ف قلبي وكياني
رمتيني ورميتي معايا عنواني
وغيًرتيني وخلتيني واحد تاني
وبدتيني … ونهتيني
لا .. لا ..
لا تندهيني
لا .. لا ..
لا ترجًعيني
تندهيني
ما فيش ردود
ترجًعيني
محال أعود
إحنا ما بينا الحيطان
إحنا مابينا السدود
ولا حاشوفك ولا حتشوفيني
لا .. لا ..
لا تندهيني
لا .. لا ..
لا ترجًعيني
ما بقتش عارف أبقى مين
وعشت تايه في السنين
وماشي مش عارف لفين
للضياع ولاً لأنيني
لا .. لا ..
لا تندهيني
لا .. لا ..
لا ترجًعيني
***