_____وداعآ للخوف ______

كتب عصام عبد الحكم_____
الجبناء فقط هم اسري الخوف.والتحرر من قيده لا يكون إلا بالاصرار علي قهره وإلاسيقهرك هو …..وهو ماساة أن تكون عايش وميت في الوقت نفسه وهو أن تدع سنوات عمرك تضيع في

سبيل شئ لاوجود له في الكون كله إلا بداخلك أنت فقط أنت من أوجدته وأنت من كبرته وغذيته بضعفك وأستسلامك حتي تضخم وإستفحل بداخلك بداخلك وصار يلتهم أجمل ما فيك أحلامك.أمنياتك .طريقك اللي لازم تمشي فيه علشان في نهايته حلمك .إيمانك أن المستقبل بيد الله وما عليك أنت إلا بذل كل طاقتك لتحقيقه وإن لم يتحقق يكفيك شرف المحاولة ومتعة التجربة ولذة الاستكشاف من خلال خوض التجربة وتحدي الظروف وإكتشاف جوانب أخري في الحياة غير تلك التي ألفتها وأنت متخذ من الخوف مذهبا ودليلآ وأمامآ .متخليش الخوف يفرمل أفكارك لتحقيق حلم من أحلامك عند حدود سور عالي بنيته بايدك عدي السور نط من عليه وأهدم الخوف بأسلحة إرادتك دور جواك علي نفسك هتلاقيها محتاجة بس تكة بسيطة وتلاقي الدنيا كلها جواك نورت وإنعكس النور علي كل شئ حواليك وهتشوف نفسك بشكل مختلف وهتفاجئ بأجمل مافيك . الخوف بيقيدنا وبيحبسنا جوه نفسنا كثيرآ تكون لدينا الرغبة ولا نملك الجراة كل شئ في الدنيا ممكن لحد ما تقرر أنت بس إنت تشوفه مستحيل .إتمرد زي ما انت عايز علي أى حاجة مش عاجباك وأى وضع مش مريحك وإلغى من قاموسك من اللحظة دى كلمة (خوف) .ما بين الخوف والاقدام لحظات فارقة قد تغير موازين حياتك إفتح ذراعيك علي الآخر وخد الدنيا بالحضن متخافش من حاجة
الحياة حلوة حتي الوحش هو اللى بيعرفنا طعم الحلو فيها.أحيانآ يبقى كل اللي بأتمناه أن الزمن للوراء علشان أتحرر من خوفى وأكسر قيودى وأعمل اللى كان نفسى أعمله ما أخافش من حد ولا من حاجة حتي
أحيا ما تمنيته فقط بداخلى…………….