المشربية البعيييييييدة …
على ناصية الشارع
طارت عصفورة من صدرك
والشال على كتفك ملفوف
وعصفور في ضفايرك متضفر
وكأنه هارب م الخوف
مش فاهم أنا تقاطيعك
ولا فاهم أوصافك
رغم اني باحبك من أعوام
…
في مفارق الريح وقع الخيّال
وحصانه بيبكي خلف الجدران
أنا عارف ان عينيكي بتعشقني
لكن ما بينا حيطان وحيطان
وباحبك لكن مش طايلك
وعاشقاني لكن مش شايفاني
ورغم القناديل في الشارع
كأن ما بيني وبينك ليل وظلام
…
أنا راسمك وشم على دراعي
وفي قلبي راسمك شراييني
وباغنيكي رغم ألامي وأوجاعي
وانا متأكد إنك بتحبيني
المشربية البعييييييدة …
ليه يا حبيبتي بعيدة
نفسي أفتحهالك ..
وأحط عليها جوزين حمام
***
بقلمي / عادل عبد الرازق
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com