هترسمنى بقلب حزين
هترسمني بدمعة عين
مابلاش الأبيض الهادى
عشان لونه بقي عادى
وبلاش الإسود الحزنان
ما بلاش الأحمر الفتان
وبلاش الأصفر الغيران
علشان عادى وبقي بهتان
هترسمني بقلب حزين
لوهترسمني بلاش ألوان
ارسمني ياروحي بقلم الكحل
إرسم وش حزين لبنت عجوزة
وعمرها فات وما بتضحكش
بشال الحزن خبت لون
ضفايرها اللي مابتطولش
وسيب. فوق. الجبين قصة
بتحكي. ع اللي. فات قصة
وخلى شفايفى عايزة تقول
كتييييير جدا. ولا بتقولش
وخلى عيوني عسلية وفيها رقة الميه
وبين ف الخدود روحى ظلال باهتة
لضوء هربان بتكره طلة الألوان
وأنف رقيق وصوت دبلان
ورقبة فيها عقد عقيق ولا بيبان
وودن بتسمع الأفراح كما الأحزان
وجوا الصورة روحي تبان شبح انسان
اذا فكرت ترسمنى عشان خاطري
بلاش ياقلبي الفرشاة والألوان
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com