طعم الوداع مرار
والمرار هوّه إنتي
خلتيني في انكسار
لمّا فجأة إنتي خونتي
إنطفى ضيّ قناديلي
إنكفى نهاري وليلي
وابتدا يبدأ رحيلي
وسور ما بينك وبيني
بيصدّني ..
ويردّني ..
ويقولّي إنك انتي بعتي
طعم الوداع مرار
والمرار هوّه إنتي
خلتيني في انكسار
لمّا فجأة إنتي خونتي
لحة واحدة هيّا اللي بينا
وحنبتدي نمشي الدروب
وحتنتهي حكايتنا ف دقيقة
ويكسي ملامحنا الغروب
وحنفترق بين المفارق
مع اللي ضايع واللي فارق
وحننتهي ..
وحنشتهي ..
ولا يبقالي بعدك غير هزيمتي
طعم الوداع مرار
والمرار هوّه إنتي
خلتيني في انكسار
لمّا فجأة إنتي خونتي
يكفيكي ما كان يكفيكي
يا خاينة لو كان حيكفيكي
رسمت السعادة في قلبك
رسمتيلي دمعي بإيديكي
رميتي قلبي في المفارق
وانا اللي كنت عاشق وصادق
على شطوطي وغرقت سفينتي
طعم الوداع مرار
والمرار هوّه إنتي
خلتيني في انكسار
لمّا فجأة إنتي خونتي
طعم الوداع مرّ مالح
في الملامح وفي سنيني
كتبت إسمك عالمطارح
لقيتك انتي بتشطبيني
واحدة تانية لأ مش انتي
أمّا إنتي محال دي إنتي
أشتريكي ألاقيكي بعتي
مش مصدق إنك انتي
طعم الوداع مرار
جوّة قلبي وعلى لساني
لو كان بإيدي اختيار
ما كانش يرميني زماني
كنت واهم إني ليكي
وان صورتي ف لون عينيكي
كسرتيني ..
رمتيني ..
وامّا خاني دمعي وبكيت
لقيتك انتي ضحكتي
طعم الوداع مرار
والمرار هوّه إنتي
خلتيني في انكسار
لمّا فجأة إنتي خونتي
***